Wednesday, January 23, 2008

خلصت امتحانااااات ..


يااااااااااااااااااااااااااه .. أخيرا خلصت امتحانات .. دي حاجة كويسة اوي .. صحيح هي مش كويسة أوي عشان حبيبتي و صبحتي لسه مش خلصت بس أهي هانت ربنا يسهل .. هااااا بقى خلصت الامتحانات .. إيه بقى .. الجو هيتعدل إمتى عشان الواحد ينزل ولا ايه .. لاااااااا لازم يتعدل أول ما ميرو تخلص .. جدول أجازتنا رهيب مليان مليان مليان .. مش كده ولا ايه يا ميرو .. كده انا عارفه انه كده طبعا .. ده يارب نلحق نعمل كل اللي عايزينه قبل الاجازة ما تخلص اساسا .. ده يمكن الترم التاني يخلص واحنا نكون لسه ماخلصناش :] ده العادي بتاعنا على طول .. المهم إن أول ما تبدأ الأجازة ننسا إحنا كنا عايزين نعمل ايه .. بس أنا لسه فاكرة لغاية دلوقتي بعض الحاجات اللي ما تتنسيش أصلا .. فيه حد ينسا مثلا إنه عايز يروح دريم بارك - دي أول الجدول أساسا - وكمان معرض الكتاب إفتتاحه بكره وما ينفعش مانروحش معرض الكتاب .. وعندنا تقريبا يا ميرو بتاع 77 فيلم كده ولا حاجة كنا عايزين نشوفهم .. غير الخروجات التانية اللي بقالنا 70 سنة مأجلينها لبعد الإمتحانات .. هههههه منهم زيارة صاحبتنا اللي اتجوزت من 4 شهور تقريبا ولسه ماروحنالهاش .. اه والله ده احنا حالتنا صعبة .. تفتكري هنلحق نعمل كل ده في إسبوعين ؟ .. أنا شخصيا أشك .. ويا سلام يا سلام لو الأجازة كده تضم يومين أجازة عائلية فيها ميرو برضو في إسكندرية أهي كده تبقى أجمد أجازة .. عشان انا بموت في إسكندرية في الشتا - صحيح كل الناس بتقول إن ده هبل مني بس عادي - ياااارب نلحق نعمل كل الحاجات قبل الأجازة ما تخلص ونتقابل تاني بعد ما الأجازة تخلص مع يوميات الأجازة لو اليوميات دي جت يعني ..

2 comments:

كراكيب said...

عبييييييييير
وي وي وي وي خااااادت الأجاااازااااااه
خادت الأجااااازاااااااه
ياااااااااه شهر بمتحن
ده ولا الثانوية العامة
بس يلا ماعلينا المهم اني خلصت امتحانات.. دي حاجة تقرف
ياااااه انا كنت نسيت الاجازات دي بيتعمل فيها ايه
المهم ان كل اجازة نقعد نعد الاماكن اللي عايزين نروحها والمشاوير اللي نعملها وفي الاخر مابنعملش حاجة غير اننا بنتمشى للمخبز نجيب فطير وباتيه ونرجع بيتنا تاني نقعد على النت وننام :):):):)

عاشقة القمر said...

اول جملة كنت هكتبها في الموضوع وبعد كده قلت بلاش عشان ما تغيظكيش كفاية عليكي اما بعتهالك في رسالة وي وي وي وي واخدت الاجازة :]
حمدالله على السلامة .. كفارة يا ميرو ..
بعدين ايه ده كده نشرتي كيفية قضاء أجازتنا المعتادة .. طب مش جايبة فطير ..