ما تيجي نرجع أصحاب .. مع إن أنا مش فاكره إحنا إمتى كنا أصحاب عشان نرجع ونبقى أصحاب ..بس تعالي نبقى أصحاب .. هو إحنا أصلا عمرنا كنا أصحاب .. أهو نجرب .. صحيح عمرنا ما عرفنا نتفق ونبقى أصحاب ..بس أهو نحاول .. بس إزاي نبقى أصحاب وانتي دايما تاعباني ومحزناني .. ده انتي ما بيهونش عليكي تسيبيني لفرحتي ودايما هاينة عليكي دمعتي .. هو فيه بالشكل ده أصحاب .. طب انتي ليه مش مصاحباني هو أنا عملت لك حاجة ولا زعلتك في حاجة ؟ .. ده أنا حتى في حالي وانتي اللي دايما جارحاني ..طب نسيني جرحي منك مرة واحدة وفرحيني ولا انتي ناوية تموتيني من غير ما يوم تفرحيني .. نسيني اللي عاملاه فيا وتعالي وصاحبيني .. مش يمكن تحبيني وأطلع أستاهل تفرحيني ..لو ما طلعتش إبقي إمشي وسيبيني وارجعي تاني حزنيني .. بس مرة جربيني ..
هــــااا تيجي نبقى أصحاب ..
6 comments:
حلوة اوى يا بيبو كمان اختيارك للاغانى تحفة مووت بس تفتكرى مين اللى ممكن يكون تعبنا كدة ومش عايز يصاحبنا (الدنيا )بس تفتكرى ؟؟؟؟؟؟؟؟؟
ربنا يخليكي يا روبي ويارب تكون عجباكي فعلا .. وبالنسبة لافتكر فانا افتكر اوي كمان ..
نورتيني يا قمر ..
اوقات يا دنيا معاكي بعيش وساعات مابفهمكيش
وانتي ولا فهماني "طول عمرك غبية"
اوقات بحس ان انا مجروح عايش حلاوة روح ودمعي محوطاني
صابر ع اللي بيجرالي وانتي لا ليكي عزيز ولا غالي.... "حسبي الله ونعم الوكيل"
بحلم يعدي عليا الليل من غير عذاب ولا ويل...
وتحسي مرة بناري "او وتحسي مرة على دمك"....
اوقات بتاخدي اعز الناس واقول نصيب وخلاص واصبر على احزاني
اوقات بحب قلوب بتبيع وف الف لحظة بضيع
وبرده مش حساني "وبرده مفيش اي دم"
ايييييييييه دنيااااااا
الله حي الله حي :)
ميرووووووووو .. حبي .. انتي عارفه ان انا فعلا كنت هكتب الأغنية دي تحت الموضوع .. مش بقولك بقالك كام يوم كده تحسي إنك صحبتي :]
وحدوووووووووه
ما دايم الا وجه الله
لا اله الا الله .. مين اللي داخل على ميتين ده يا ترى .. هههه.. عموما منور ..
Post a Comment