Saturday, August 30, 2008

.. ميرو الكبيرة



كل ما أدخل ألاقيها مش عملت حاجة لعيد ميلادها .. كل مأدخل مالاقيش حاجة .. كل ما أدخل مالاقيش حاجة .. فماعرفتش اسكت بصراحه .. وبعدين مش كفاية اننا ماعرفناش نعملها عيد ميلاد عشان رمضان - كل سنة وانتم طيبين - .. ماخدتش مننا غير هابي بيرث داي على طريق مصر اسكندرية وبصوت واطي كمان
ششششششششششش ايه الرغي ده .. من الآخر ده عيد ميلاد حبيبة قلبي ميرو النيرو كوانيرو
ميرو يا حبي انتي عارفه اني مش بعرف احضر لاعياد الميلاد والحركات دي بس اهو حاجة كده على ما قُسم قبل رمضان

حادي بادي يويو .. حادي بادي يويو .. حادي بادي يويو ميرو .. حادي بادي يويو



ياللا حالا بالا بالا حيوا أبو الفصاد هيكون عيد ميلاده امبارح أسعد الأعياد .. فليحيا أبو الفصاد .. هييييييييييه

هابي بيرث داي تو يو .. هابي بيرث داي تو يو .. هابي بيرث داي تو ميرو .. هابي بيرث داي تو يو .. سنة حلوة يا جميل .. سنة حلوة يا جميل .. سنة حلوة يا ميرو .. سنة حلوة يا جميل .. هفففففففففففففف

:)


و بما انه عيد ميلاد ميرو النيرو كوانيرو فشرط اساسي ان تكون كل التورتات شيكولاتة وإلا تضربنا بالنار

تنبيه هااااام .. التورتات دي للي هيجيب هدية اللي مش هيجيب ما يمدش إيده منعا للإحراج

:)






شوفتي كتير ازاي .. ابقي ابعتي واحدة بقى بلاش طفاسه

نبعد عن الأكل بقى ونشوف الهدايا الكتير اللي انا دفعت فيها دم قلبي

:)


آدي يا ستي الألوان اللي كنتي عايزاها عشان تبهدلي بيها حيطة الأوضه اللي لسه متبيضه .. شخبطي ولوني وبهدلي الدنيا براحتك






وهنا بقى نوسع لحبيبة قلبها وحياتها وعمرها وعشقها وكل حاجة .. سنيكرز الغالية ام فلوس كتير واللي هي مضيعة عليها فلوسها أول بأول


كان نفسي أجيبلك مج بس مش لقيت مج شكله امور .. فاضطريت اعمل واحد عموله

:)


صحيح الصناديق دي بقى انا ماعرفش إيه الحاجات الكتير اللي فيها دي بس شكلها عجبني .. وانا مالي وانا مالي على رأي ميرو



كل سنة وانتي طيبة يا ميرو يا حبي وعقبال مليووووووون سنة .. ويارب السنة الجاية تكون سنة جامدة آآآآآآآآخر حاجة وتعملي فيها كل اللي نفسك فيه .. كل سنة وانتي طيبة يا أجمل ميرو في الدنيا وأحلى حاجة في حياتي

يلا كل الناس تروح تقول لميرو حبيبتي كل سنة وهي طيبة

:)


4 comments:

إبن مصر said...

السلام عليكم
كل سنه وانتوا الإتنين احلى حبيبتين فى الدنيا

وإسمحلى اكون اول من يهنأها من مدونتك بعيد ميلادها برغم انى قولتها فى مدونتها وكنت اول واحد برده

اقول كمان من مدونتك ليها كل سنة وانتي طيبة يا أجمل ميرو في الدنيا
ويارب دايما تكون اخوات واصحاب ولا تتفرقوا ابدا
تحياتى لكى عبير وحمدالله على السلامه
وكل سنه وانتى طيبه بمناسبة رمضان


nageh

كراكيب said...

ايه دااااااااه
انا عايزة التورتة اللي بالشيكولاتة دي ودي ودي ودي
لا انا عايزاها مليش دعوة
لا بجد مليش دعوة انا عايزاها

وعايزة علبة السنيكرز يا عبير بقى وانا مالي وانا مالي

وعايزة الماج طبببببببببعا

وعايزة كل كل الحاجات

شوفتيني لما بقيت كبيرة وعندي السنين اللي قاد الكتير
ياااااه ده انا فظيعه فظعنة مش ممكنة

حبيبتي حبيبتي حبيبتي
ربنا يخليكي ليا يااااارب ومش يحرمني منك ابدا ابدا طول العمر

وكمان مرسي جدا يا نييييموووووو ;)
ايوووووووة نيمو في حاجة؟؟

انا هروح دلوقتي علشان الحلقة الاخيرة من "نور" شغالة وجاية تاني اكيد

عاشقة القمر said...

ابن مصر
وعليكم السلام ورحمة الله وبركاته
ميرسي يا محمد ربنا يخليك يا جميل
بعدين مفيش اسمحيلي انت تدخل تعمل اللي انت عايزه على طول ده انت بقيت صاحب مدونة قصدي صاحب بيت
:)
والله يسلمك
وكل سنة وانت بألف خير ورمضان كريم

عاشقة القمر said...

ميروووووو
اللللللللللله .. ده فيه طمع جامد في الحوار .. انا جايبه صور بس مفيناش من ابعتي على البيت خالص
:)
طبعا يا حبيبتي ماشاء الله عليكي كبيرة وست الكبار كمان بس ما تخليش كبرك ده ينسيكي انك مهما عملتي انا اكبر برضو وبكتير
:)
ويخليكي ليا يا حبي
آه الحلقة الاخيره اللي هي شغاله من 3 ايام دي .. ربنا معاكي
:)