وي وي وي وي واخدت الاجازة اخدت الاجازة - الجملة دي بتغيظ ميرو حبيبتي اوي وماحدش هيعرف لحنها غيرها -
ياااااااه أخدت الاجازة .. صحيح انا مابحسش بالأجازة اوي في اول يومين لان كالعادة دايما بخلص قبل ميرو وبتبقى هي ياعيني لسه بتمتحن بس مش مشكلة كلها بكره ..
مش عارفه ليه الواحد ما بيبقاش مصدق نفسه انه اخد الاجازة وخلص من الامتحانات وقرفها .. ياااه ده حتى الصحيان مختلف .. صحيان كده كسلان وهادي ومرتاح ومفيش حاجة مقلقاه - بعيدا عن الحاجات اللي في الحياة اللي تقلق المنام يعني انا بتكلم عن الامتحانات هنا - الواحد صاحي كده وهو متأكد انه مش هيذاكر .. حححححح احساس مريح كده
ما علينا المهم ان انا أخدت الاجازة .. ورجوعا لورا شوية شويتين كده تلاتة يمكن .. مشوار كده لغاية ابتدائي فيبقى ايه ؟؟؟؟؟؟
خادنا الاجازة وطظ في الدراسة .. خادنا الاجازة وطظ في الدراسة .. هههههههه .. اغنية آخر يوم في الامتحانات :)
يلا عقبال كل اللي لسه ما خلصوش
6 comments:
يا امورة تعالي اسمعي الاغنية دي كااااااااملة من محسن
بيقول كلام يختي!! مش طلعت اوبريت؟ آه وربنا
مبروك الاجازة وياللا عايزة البيت زي الفل والمواعين بتبرق
قومي يا فطي نطي
قومي
:)
ناس ليها "وى وى وى " و ناس ليها ثانى اكسيد الكرتون لا يشتعل ولا يساعد الا على السعال
يلا .. انا مش بحقد خالص
:D
انا آخر حاجة اعرفها عنها يا مها يا اختشي .. خدنا الاجازة وسنة مش عارفه كام محتاسه :) نزل جديد حاجة تانية ولا ايه !! بس هي مادام من محسن فأنا متأكده انها هتكون قصيدة كمان
بعدين ايه السيرة المهببه دي تنفيض ومواعين وبتاع طب ارحميني انتي لغاية ماللي عندي في البيت يفتكروا ويدوني الاوردر
:)
احمد .. انت جاي تحقد عليا .. قوم خلص امتحاناتك قوم
:D
ربنا معاك يا باشا وتخلص وبالنجاح ان شاء الله
مبروك على الاجازه
عاوز عزومة النجاح مقدما
يسمع من بقك ربناااااااا ..
واحد حاجة ساقعه مشبرة هنا يابني للورانس ولا اقولك خليهم اتنين واحدة عشان الدعوة وواحدة عشان الحرالغير طبيعي اللي احنا فيه ده
:D
Post a Comment