اعتقد انكم هنا مش هتلاقوا بوست تقروه .. لاني بصراحه اول ما بقول طعم البيوت ما بلاقيش اي كلام ممكن يتقال عن الشريط ده .. بجد حتة شريط مالهوش حل .. مافيهوش اغنية مش هقول بقى وحشه ده مفيهوش اغنية أقل من التانية .. كل الأغاني اللي فيه رهيبة .. ايه الكلمات الرائعة دي وايه الموسيقى الرهيبة المعدية دي - معدية بفتح الميم مش ضمها بلاش جو المرض ده - .. بجد تحففففففففففة .. مش عارفه اسمع غيره من ساعة ما نزل .. ومش لاقيه اي كلام يقدر يعبر عن روعة أغانيه .. بس هقول ايه اكتر من اللي الكل بيقوله وعارفه ان هو ده منير .. الكينج بجد .. والكبير كبيييييييييير ..
أنا حاولت حتى أطلع من كل أغنية أجمد جملة فيها وفشلت لإن كل أغنية فيها جمل مش جملة .. فعلا كل أغنية فيها جمل جامدة جدا وتحفة مووووت
هو ده فعلا اللي الواحد كان مستنيه ويستاهل الانتظار الطويل ده .. طعم البيوت .. هو ده الاستطعام الصح .. حاجة كده واخدة الواحد في موود تاني .. موود ما يعملهوش غير منير والكلمات والموسيقى الأكتر من رائعة دي ..
وأكيد أكيد مهما رغيت وحكيت مش هقدر ادي الشريط حقه
شكر خاص للجميل شادي أصلان على الصورة اللي في الأول .. لإني حباها جدا ودوخت عليها في الدنيا كلها ومش لاقيتها وهو بعتهالي .. شكرا شكرا
36 comments:
اولا اخبارك ايه ياعبير
انا على فكرة اول مرة اعلق على موضوع عندك وانا سعيد لانى تعرفت على مدونه رائعة زيك بجد
وكمان سعيد لانى اول واحد يعلق على الموضوع ده
هو انا بس هاقول حاجة
انا حسيت من كلامك ان انت رومانسية اوى واحساسك عالى وبس
مع خالص تحياتى
تقبلى مرورى
واتمنى تنورينى
.. حراء
انا الحمد لله تمام
ربنا يخليك ميرسي جدا على كلامك ورأيك الجميل في مدونتي الصغنتوتة
ويارب دايما تكون عند حسن ظنك وتنورني كتير
شكرا ليك على مرورك اللي أسعدني واكيد هيكون لي مرور عندك
انا حسيت من كلامك ان انت رومانسية اوى واحساسك عالى وبس
انتي هيطلع كلامك صح يا ميرو ولا ايييييييييه .. فهماني طبعا
:D
بكتبلك ومنير في وداني اهوه
اهوه آه وربنا وعمال يقول يا ابو الطاقية آه وربنا
اقولك كمان؟ بعت لواحد نوبي وقلتله انا عايزة ترجمة نايجيريبي الاغنية دي حلوة اوي قالي انا مش عارفها وهيسأل مامته كخخخخخخخخخ
ميران بأه بتقولي انها حاسة انها اغنية عن السبوع
وحضرتشك شايفة ايه؟ احساسك يعني؟ احب تشاركيني الاحساس من فضلك
وبعدين لما اروح البيت هدخل انام وهتصل بيكي تصحيني ،، عندك اعتراض؟ اعترضي اعترضي
هو انا اشتغلت منبه لبيتكم وانا ماعرفش امبارح اصحي اختك والنهاردة اصحيكي .. امبارح ايه بس انا من يوم ماعرفتها وانا بصحيها اساسا .. ششششش انتي هتقولي الحاجات الوحشه على ميرو حبيبتنا ولا ايه .. ما تجيبيلناش الكلام دي هتخلص النهاردة وتدخل
ميرو حبي قلبي شقي .. هههههه
انتي عارفه انا كمان هموت واعرف ترجمة الاغنية دي جدا لانها عاجباني مووووت ..
مدونة رائعة جدا
واختيارك للمواضيع جميل
دمتي ب ود
السلام عليكم ورحمة الله
ازيـــك يا عبيــــر
بجد ابوست ده تحفة ودخل الحتة الجوانية زى ما بيقولو
البومـ طعم البيوت بجد احسنـ شريط انا سمعتو لمنير مع انى بسمع كل اغانى بلا استثناء
بس بجد الالبوم ده تحفة
وانا يمكن زيك بالظبط من ساعت ما الالبوم نزل وانا مش بسمع حاجه تانية غيرو ومش عارف اسمع غيرو
الحان اية وكلمات اية كلو على بعض حكاية
شوفتى نبره الدلع الى بيغنى بيها ابو طاجية بجد مشكـــلة
تحياتى ليـــــكى يا قمر
وبهديكى اغنية يونــس ياريت تسمعيها واعتبيريها هديتى ليكى
على فكره الواحد النـــوبى الى سألتو مها على اغنية نيجيرى بية
هو انا وبجــد انا مش عارف ترجمتها لأنى انا مش عيشت فى اسوان كتير يعنى تربية القاهرة
تانى مره هسألة ولدتى يا مهـا وهى هتعرف علطول علشان بتتكلم بالغة النوبيه
كان لنا حكاية
ميرسي على رأيك الجميل ومبسوطة ان المدونة عجبتك .. وشكرا على الزيارة اللي اتمنى تكرارها كتير
وعليكم السلام ورحمة الله وبركاته
انا الحمد لله بخير .. ازيك انت يا عمرو
والبوست تحفة عشان عن شريط هو اللي بجد تحفة ومالهوش حل كمان ..
بس ايه ده انت الواحد اللي مها سألته ؟ ده انا اما قالتلي ان الواحد اللي سألته ماعرفش كنت هدخل اسألك انت :) يعني كان املي في ترجمة الاغنية دي متوقف عليك
:D
طب اسأل وقولنا بقى .. مستنيين ترجمتك واوعى ماتعرفش ..
عمرو .. منورني بجد ويارب كده دايما
الاول كده وعلى السريع المريع الفظيع
نقوووول صبااااااح الخيرات على كل واحد وواحده هيدخل هنا
عاشقــــة
انـ شاء الله هسأل ولدتى تانى مش تقلقى انا وراها لغاية ما اجيب الترجمة
اصلها بتعيش اللحظة عليا مين قدها بقا معاها لغات ياستى ممكن تهزقنى وانا واقف وبضحك زى .... البتاع ده
على العموم انا هعرض عليها رشوه علشان اعرف الترجمة
السلام عليكم تحياتى لى المدونه الهادئه ولى البوست الجميل جدا الى كلو مشاعر وجمال فى تنسيق الكلام وتنسيق الفظ الجميل احسنتى صنيعا بجد تحفه وياريت اتمنى مشركتك فى مدونتى ان شاء الله
بجد بجد بجد يابيرو
الالبوم دة ماينفعش يتقال علية اى تعليق
انا هاتهبل علية
حب يابنتى من اول نظرة
اول همسة اول لمسة حاجة كدة ملخبطة
دة الملك
.. آدم
ميرسي ليك على كلامك الجميل والكتير عليا جدا .. اخجلتم تواضعنا
:)
وانا فعلا شاركت في مدونتك وعجبني الاستايل بتاعها جدا .. واتمنى تنورني تاني كتييييييييير
مهاااا
لو على الهبل فماتقلقيش مش لوحدك كلنا هنتهبل بسبب الشريط الاكتر من رائع ده .. انا من ساعتها بجد مش عارفه اسمع غيره مفيش يوم بيعدي من غير ما اسمعه .. لو قومت من على الكمبيوتر يبقى على الموبايل لو سيبت الموبايل يبقى على الكمبيوتر .. انا عندي هنا في البيت قربوا يطردوني انا والشريط برا البيت
:D
منوراني يا جميلة ومبسوطة جدا بمرورك اللي اتمنى انه مايتقطعش
أه يا بيرو خلصت امتحانات .. و الكلام عن الألبوم ماينفعش يختصر ف بوست .. داحنا ممكن نتكلم سنين ف طعم البيوت
معلش يا باشا جيت متأخر
اولا مفيش شكر علي الصورة لاننا اصحاب ومفيش شكر بين الاصحاب
ثانيا
مين يقدر يقول ويحكي عن الشريط الغير طبيعي دا
حالة منيريه تجعلك تحلق في سماء الدنيا
بجد كشرا يا ملك
الكبير كبير بنحبك يا منير
عفوا
* شكرا ً يا ملك
.. موحا
عقبال النجاح ان شاء الله يا جميل .. وطبعا عندك حق مووت .. انا حاولت اختصر جدا لاني لو اتكلمت براحتي يبقى هكمل كل البلوج عن الشريط ..
شكرا ليكي يا جميل ونورتني
انت تيجي وقت ما تحب يا جميل بس ما تتأخرش تاني لازم نورك يكون في اول الردود :)
وأولا خلاص مفيهاش مشكلة سحبتها مفيش شكرا ..شكرا ايه اساسا ده واجب عليك .. كويس كده
:D
وبالنسبة لثانيا فهي فعلا زي مانت قولت كده الواحد طول ماهو بيسمع الشريط بيحس انه مش هنا اساسا موجود كده في حتة حلوة عايش مع نفسه
زي ما اتفقنا بقى ماتتأخرش تاني
:)
بيرو وحشانى موت
والكلامك عن الملك
جميل اوى
علشان كدة هو صوت مصر الاول
وعلى فكرة يا قمر ليكى تاج عندى ابقى عدةى وخدية
محمد منير هو الكنج
.. ايمو
ايه ده انتوا بتعملوا فيا كده ليه .. ده انا لسه متمررلي تاج من شادي امبارح .. ادخل النهاردة الاقي تاج تاني منك .. ايه يا اخوانا انا عملت فيكم ايه .. ده انا حتى كنت لسه هقولك انك وحشتيني .. ماشي يا ايمي
اخلص بس من التاج بتاع شادي وبعدين اكمل .. وهقولك زي ما قولتله .. لن انسى لك هذا الموقف يا ايمي
نورتيني يا جميلة بس المرة الجايه نوري من غير اسئلة وتاجات
.. عروسه ننوسه
خير الكلام ما قل ودل
:D
شكرا لمرورك وزيارتك ابقي كرريها تاني
السلام عليكم
اذيك وحشنى تعليقاتك انا بدعوكى لقرأت الجزأ التالت من اميره بكل النساء مهتم بتعليقك
.. آدم
وعليكم السلام ورحمة الله وبركاته
ربنا يخليك ميرسي .. وجاي بنفسك تدعوني لقراءة الجزء الثالث .. بجد مبسوطة وده شيء يشرفني .. واكيد جاية انا قريت الجزئين وكنت مستنية الثالث ..
ميرسي ليك يا آدم ودايما منورني
بخ انا جيت اهو بس اصبح وامشى على طول من غير متفجرات ولا حاجة احنا دلوقت فى مرحلة الهدنة
فعلا الألبوم جامد أوي و انتي كمان كلامك جامد اوي.:)
ايمو
مادام جاية تصبحي من غير اسئلة يبقى يا صباح الورود والصحيان على صوت منير يا جميلة :)
ربنا يخليك يا محمد .. شكرا شكرا على ذوقك وتعالى نورني كتير اوعى تمشي وماتجيش
:)
مفييييش جديد ولا ايه انا عايذ اى جديد يناااااااااااااس
معلش يا آدم .. والله المفروض كان هيبقى فيه جديد امبارح بس النت عاملها معايا .. فادعيلي انه يتظبط كده شوية بس وانزل الجديد النهاردة بإذن الله .. وميرسي ليك جدا على المتابعة وانتظار الجديد .. منورني
السلام عليكم
اذا كنا نتكلم عن منبر فهو ليس فنانا بلا هو اخ , مفكر , مغني , مبدع , بيحس باهل بلده , و علي فكرة اغنية نيجيريبيه ده بتاعت سبوع نوبي
و الشريط الجديد عمل ارباح محدش عمالها
محمد منير فعلا بيتكسف من خياله , لانه لما كان في عزه كان مكسوف جدا من الناس مع ان هو منهم اهل النوبه اطيب ناس
و شكرا عاشقة القمر علي الموضوع المهم ده
Amr_ak0n@yahoo.com
mrx_zoro22@hotmail.com
لا شكر على كلام عن منير
:D
وبجد كلامك انت كمان عنه جميل اوي .. وبالنسبة لاغنية نيجربيه تصدق ان صحبتي الانتيم خمنت كده برضو .. قالت انا حاسه ان الاغنية دي اغنية سبوع .. بس ايه رأيك لو ترجعلنا بالترجمة المرة الجاية احسن احنا هنموت ونفهم
:D
نورتني يا عمرو بالزيارة الاولى واتمنى تكررها كتير
شكرا عاشقة القمر , و لكن مهما قلت و زدت , عمري ما اقدر اوصف منير
و أنشالله الترجمة قريب جدا , مستني بس خلتي تيجي من الاقصر و تكون عندك انشالله , ابقي ضيفيني علي الايميل
anonymous ..
ربنا يرجعها بالسلامة .. واحنا هنستنى منك الترجمة بس اوعى تنسى .. نورتنا بزيارتك واما تيجي تاني ابقى حتى قولنا اسمك
:)
Post a Comment