تعلن مدونة عاشقة القمر لصاحبتها عاشقة القمر - حاسه اني بعمل اعلان لبقال وتعلن بقالة الانوار لصاحبها عم الحاج ابراهيم عن عرض زيت جديد مثلا - ششششششش هنهرج ولا ايه .. نرجع تاني
تعلن مدونة عاشقة القمر لصاحبتها عاشقة القمر برضو عن الغياب والانقطاع المؤقت عن المدونة في الفترة المقبلة .. هو مش انقطاع اوي يعني بس بحاول .. والسبب هو ............... الامتحانااااااااااااااااااااااااااااااااااات ..
عندي امتحانات يا ناس عندي امتحاناااااات .. آآآآآآآآآآآآه
وبما ان عندي امتحانات فلازم انقطع لازم وكان لازم من بدري كمان والا هروح في ستين داهيه مش داهيه واحدة
يااااااااااارب عدي الايام دي على خير واسترها معانا يااااااااااارب
ياريت بقى والنبي الناس الفاضية اللي ماعندهاش الهم الازلي اللي احنا فيه ده واللي هو الامتحانات يقعدوا بقى طول ماهم فاضيين كده يدعولنا ..
احنا في امس الحاجة لدعواتكم يابني ادمين .. تعطفك لوحده مش كفايه .. ادعي بقلب وضمير شوية ..
وفي النهاية أحب أقول حسسسسسسسبي الله ونعم الوكيل في الامتحانات والتعليم واللي بيعلموه
..
22 comments:
انا اول واحد يدعيلك اهو
ربنا معاكي
وتسقط الامتحانات
وعاشت المدونات
ربنا معاكي يارب
يجعل الصعب سهل عليكي
ويذكرك اذا نسيتي
وما تتقفشيش اذا غشيتي :D
اوعى تغشي انا بهزررر
احنا ننجح بكرامتنا و ...... بعد الشر برضو بكرامتنا
ربنا يجعلك من الناجحين وبعد عنك عيون الوحشين ...... ان شاء الله
يااااااااااارب عدي الايام دي على خير واسترها معانا يااااااااااارب
ارزقها بالحلال يا رب
:D
ربنا يبعد عنك استعراض العضلات بتاع الدكاتره
اه ما انا افضل ادعيلك انتي وصحبتك ما انا فاضية بأه
يا بنتي قومي امسكيلك كتاب بأه عيب وسيبي سماعة التليفون عيب عليكو بأه ما تخلونيش اتكلم
اسكت يا لساني اوووسكت يا لساني
بيرو،، ربنا يوقفك يا روحي
ايه؟ روحي؟ لا ما تخديش على كده
شااااااادي .. اول رد لتاني مرة يا سعدي يا هنايا ..
ربنا يخليك يا باشا ولتسقط الامتحانات مليون مرة .. الله يولع فيها بجاز ..
شكرا ليك يا جميل بس اوعى تبطل تدعي ..
سوسا ..
ما تقلقيش من ناحية الموضوع ده من صغري وانا فاشله فيه لا بعرف اغش ولا بعرف اغشش الحمد لله وربنا يديمها علينا نعمه .. منوراني يا قمره
كركر .. قصدي احمد
:D
ربنا يسترها معانا جميعاااااااااا .. قوم ذاكر بقى
:)
لورانس العرب
انا نفسي ربنا يبعد عني الامتحانات من اساسه
:D
ميهوووووووو ..
خلاص خلاص انتي نسيتي وقولتيها انا هعمل نفسي ماخدتش بالي ..
ربنا يخليكي لينا يا ميهو انا واختك الغلبانه دي وتدعيلنا على طول يا حبي .. حبي ؟ لا انتي بقى خدي على كده
:)
ربنا معاكي يا بيرو وبالتوفيق يا حبيبتي
ومعلش بقى هي الدنيا ايه غير شويه مذاكرة وامتخانات وحاجات كده فوق بعض
بالتوفيق يا قمر والنجاح الدائم لكي وللجميع
بيرو حببتى حاسة بيكى ربنا معاكى يارب
وتخلصى عليها بقى
وزى مقال سيد درويش
كدة ولا بلاش يا مدارس دى بلدنا بقيت مناخوليا
وانا باضم صوتى لضوت شادى
تسقط تسقط تسقط
شكرا يا بيرو يا حبي .. ادعيلي بقى من عندك ..
ايموووو ..
اااه بمتحن يا اختي ومحرومة منكم وواحشيني اوي ايها الضربشمساويين ..
.. احنا
طبعا كلنا بنضم صوتنا لصوت شادي ولصوت كل اللي بيمتحنوا ونفسهم يولعوا في الامتحانات ولا حد يقدر يقول غير كده :D
نورتني زيارتك واتمنى تتكرر في ظروف احسن من كده
:D
ربنال معاكى يارب ...وتقدير عالى وحركات...
.. الغزالي
ربنا يخليك ونورتني بزيارتك الاولى واللي اتمنى انها تتكرر كتير وماتكونش الاخيرة .. وعديت انا بسرعة بسرعة كده على مدونتك وشكلها شيقة جدا واكيد هيكون لي زيارة طويلة بس بعد الامتحانات .. استناني
ان شاء الله بالتوفيق يا عاشقة
واشوفك كده ناجحة وتشربينى البيبسى بتاعى
ويلا انا هستناكى لما تخلصى علشان تيجى تشرفى المدونة بتاعتى
تحياتى
رئيس جمهورية اسوان العربية
ربنا يخليك يا عمرو وربنا يسمع منك يارب وننجح كلنا كلنا كل اللي بيمتحنوا آآآآآآآآآمين ..
واكيد استناني في المدونة عندك اول ما اخلص .. روح حضر لي البيبسي بتاعة الزيارة لغاية ما ربنا يكرمني وانجح ويبقى البيبسي عليا انا ان شاء الله ..
:D
نورتني وهستناك تاني ..
الحال من بعضه ... بس اصلى انا باقفل على نفسى اليومين الاولانيين بس لحد مااتاقلم وبعد كده خلاص بقى كله محصل بعضه
ربنا يكرمنا وينجحنا يارب ويوفقنا والامتحانات تيجى سهلة ونعرف نحلها ... احسن تيجى صعبة ومنعرفش نحلها تبقى خيبة برضه
يلا اقوم اتذنكر انا بقى
ربنا معاك وتكون كل امتحاناتك سهله وتعمل فيها كويس وتخلص انت كمان .. اصل انا اتفك عندي الحصار الحمد لله وخلصت النهاردة .. عقبال عندكم جميعاااااا يا كل اللي لسه بيمتحنوا ..
:)
Post a Comment