حبايبي الحلوين انا جيتي .. واكيد مش لسه جايه النهاردة انا رجعت من قبل شم النسيم بيوم .. عشان بس الحقد مايزيدش على الفاضي
:D
:) حححححح .. انا جيت ..
انا بجد مش عارفه اقولكم انا بحب البلد دي اد ايه .. ولا هعرف اوصف احساسي بيها خااااالص ..
بس اخر حاجة وصلتلها اني حسيت ان الحكاية بيني وبينها عامله كده زي ما بيقول منير
شيء من بعيد ناداني .. هي كده بالظبط .. بجد والله
شيء من بعيد ناداني واول ما ناداني جرالي ما جرالي .. مش بإيدي يابا .. ده مش بإيدي يابا ..
ناداني من يميني ولسه بيناديني بيقولي حصليني على بلد العجايب ..
.. بحبهااااااااا بحبها
هبطل رغي انا بقى واسيبكم مع صور اليومين اللي قضيتهم عند حبيبتي .. اسكندرية
تنويه : لازم لازم لازم تعذروني في موضوع جودة الصور بس .. اصل الصور كلها واخداها بكاميرا تليفون 6085 .. فبلاش تعليقات عجيبة .. احمدوا ربنا انها بقت كده
14 comments:
فنلنة يا ستي والله فنانة والصور تجنن
ربنا يخليكي يا ميس سوسا .. والحمد لله ان الصور عجبتك .. ونورتيني بزيارتك الاولى واللي اتمنى انها ماتكونش الاخيرة .. وانا بصيت بصه واحدة من غير قراءة على البلوج بتاعتك حالا وبجد شكلها جامدة اخر حاجة .. تصميمها جامد فعلا .. واكيد مواضيعها هتكون جامدة زي شكلها بس مش هقدر اقراهم دلوقتي لاني يادوب اصلي الفجر وانااااااام .. نورتيني للمرة التانية ..
صور تجنن لم اتمالك نفسي من الحقد عليكي
بجد اسكندرية تجنن
ممكن انا كمان احقد ممكن مممممكنننننننن؟؟؟؟؟؟؟؟؟
يالهوي يا جدعاااااان كل الحقد ده عليا لوحدي ..
.. شادي
حتى انت كمان زيهم بتحقد عليا امال لو ماكنتش وصلت سلامك لاسكندرية ورجعتلك بالرد كمان كنت عملت ايه .. صحيح هو انا قلتلك انها هي كمان بتسلم عليك وبتقولك ما تتأخرش .. تقريبا قولتلك ..
وبجد منورني ويارب كده دايما وماتحرمنيش من الزياره ابدا .. ومبسوطة جدا ان الصور عجبتك
مرااااااااااام .. مراااااااام ..
ارحمي نفسك يا حاجة ارحمي نفسك بطلي حقد شويه ده انتي مابطلتيش حقد من ساعة ما سافرت لغاية النهاردة ده انتي حتى مارحمتينيش من حقدك في التليفون .. كفاية بقى اييييييييه ..
بعدين نازلة حقد حقد حقد فين الاعجاب بالصور الفزيييييييييييعه اللي انا مصوراها .. لالالا ولا كلمة على ابداعي الفني ؟ .. لا زعلت
:D
ايه رأيك في الحبتين دول .. طبعا انتي الوحيدة اللي شايفه تمثيلهم دلوقتي
:D
مش حقد عليكي قد ماهو قفش علي نفسي اني مش قادر اروحلها
غصب عني مش بخاطري
ياسكندرية بحرك عجايب ياريت ينوبني م الحب نايب
جميلة جدا الصور
اسكندرية تستاهل العشق والمعشقة
تحياتي
شادي كلاكيت تاني مرة .. مش قادرة اقولك اما بدخل والاقي كومينت منك بفرح اد ايه .. منوووووووور
وحتى لو حقد يعني ولا يهمك انت مش شايف .. ده انا تقريبا مصر كلها بتحقد عليا ..
وان شاء الله قريب تقدر تظبط امورك وتروحلها عشان احقد انا عليك بقى
:D
مصطفى ..
عندك حق .. وان ماكانتش اسكندرية تستاهل العشق والمعشقة يبقى مين اللي يستاهل .. محافظة حلوان ؟
:D
نورتني يا مصطفى
حقد؟ مين اللي قال الكلمة دي
لالالالالالا
انا مش بحقد نو انا بححححححححححححححقد
كده
كماااااااان .. شكراااااا شكرا يا ميهو ..وانتي من اهله يا حبي .. ادخلي كملي .. انتي صاحيه عشان تحقدي عليا .. ده انا قربت اروح تاني ..
:D
This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول
غلا الروح
شات غلا الروح
شات صوتي
شات مغربي
Post a Comment