أول مرة من سنتين تقريبا أصحى الساعة 8 عشان أنزل الجامعة - أصل جدولي كان دايما بعد الظهر - .. وأول مرة من كتيييييييييييير أسمع تحية العلم في مدرستي الابتدائي اللي جنب بيتنا ..
:s يااااااااااه .. الصحيان بدري
بقالي كتير جدا فعلا ما صحيتش بدري يععععععع ..
لا وشوفت النهاردة كمان الناس بتوع الصحيان بدري - يعني الناس اللي ماكنتش بشوفهم غير وأنا لابسه ونازلة المدرسة أيام ثانوي - .. ناس كده مابيتشافوش غير الصبح .. زي مدرسين المدرسة اللي جنب بيتنا مثلا وهما جايين مجرجرين عيالهم يا عين أمهم - ياعين امهم دي طبعا على العيال مش على المدرسين - وهما نص صاحيين .. وزي سمعان صوت عمو بتاع الفوووووووووووول بليلاااااااااااااااااه .. أهو ده برضو مايتسمعش غير لو صحيت بدري ..
بس بقى هرغي كتير أنا واتأخر على المحاضرة اللي مصحياني من أحلاها نومه .. أحلاها نومه اللي هي الحلوة دي .. اللي هي بالظبط ماكملتش أربع ساعات .. آه والله أربع ساعات .. حسسسسسسسبي الله ونعم الوكيل .. حسسسسسسبي الله ونعم الوكيل
ملحوظة هامة : على فكرة الشخبطة دي أنا شخبطها أول ما صحيت قبل ما أنزل للمحاضرة .. وعلى فكرة تاني المحاضرة برضو ضاعت عليا بسبب تأخير صحابي منهم لله .. فحسبي الله ونعم الوكيل بجد بقى ..
30 comments:
طيب يابختك عرفتى تنامى اربع ساعات وتصحى الصبح ...انا لما بيكون عندى محاضرات بدرى كده بضطر اقضيها سهر طول الليل لحد معاد المحاضرة الصبح
بس للاسف باجى الصبح واكسل انزل وادخل انام
شفتي بأه الحاجات الي انتي بتقوليها دي انا بقالي كتير اوي مشفتهاش زيك مع اني بصحي بدري
اقصد مبشفهاش زي زمان لاني زمان كنت بشوف الحاجات دي قبل ما انام مش اول ما اصحي علشان كده رؤيتها والواحد لسة صاحي مختلفة عن رؤيتها والواحد لسه هينام
بس معش هيا دي اخرة السهر تهييييس
أربع ساعات نوم باليل
بجد انا بحقد عليكي
ههههههههههه .. لا لا ده كده مش طبيعي كم الحقداللي بيتحقد عليا في كل حاجة الأيام دي .. ايه يا جدعان مش كده
:D
eldebug ..
ههههههه .. طب ما كنت نمت من الاول وخلاص مادام كده مش نازل وكده مش نازل .. نورتني وابقى كررها كتير ..
.. شادي
تصدق فعلا عندك حق .. الحاجات دي اما بتتشاف وانت لسه صاحي بتختلف تماما عن لو شوفتها وانت لسه داخل تنام .. زي بالظبط اما تسمع صوت العصافير وانت لسه صاحي واما تسمعها بعد ما خلاص سقطت وجبت اخرك وداخل تنام ..
والله انا كمان بحب الصبح اوي بس بكره الصحيان بدري .. فعشان كده مابشوفش الصبح ده غير في الظروف القهرية اللي زي دي أو وانا مسافرة المصيف مثلا
:D
شادي منورني دايما بطلتك المميزة ..ويارب كده دايما
.. لورانس العرب
بتحقد عليا على اربع ساعات عُمي .. أمال لو كانوا 8 كنت عملت ايه ..دول اربع ساعات ..بعدين مين قال انهم كانوا بالليل ..
عموما نورت مدونتي الصغنونة وابقى تعالى تاني بس من غير حقد ..
:)
مهو طول ما انتي بتنامي 4 ساعات أو أكثر كل يوم باليل انا مش هابطل حقد- انا بقولك الحقيقه بصراحه- موافقه اني آجي بردو؟
اجمل اوقات اليوم وقت الصبح أنا من مادخلت الكلية وخلصتها لحد اليوم اللي احنا فيه الحمد لله بصحا من الساعة 6 يوميا فكرتني بايام الكلية كنت لازم اكون علي البنج بتاعي من 8,30
اصل احنا كلية فنون ولما اشتغلت لازم اكون علي المكتب بتاعي
8.30
هي حاجة تضيق بس وقت الصبح ليه طعم مابيطعوضش
والنبي (ص ) قال
بورك لأمتي في بوكورها
تحياتي واصحي بادري
.. لورانس العرب
هعمل ايه بقى امري لله .. ابقى تعالى وانا هبطل اقول اني بنام
:)
انت تنور طبعا
يا ابت .. اني رأيت
والله نفسي .. لان انا اصلا بحب الوقت بتاع الصبح ده جدا بس مشكلتي في اني اصحى بقى الحوار كله في حتة الصحيان دي .. حتى اما كان بيبقى فيه في جدولي محاضرة 8 دي كنت بلغيها لنفسي .. فمش عارفه بقى ايه اللي ممكن يخليني اصحى بدري ده ..بس مفيش حاجة بعيدة على ربنا يمكن ارجع اصحا بدري ييييييييييمكن ..
عموما ادعيلي وابقى عدي علينا كتير .. نورت المدونة
يا ابت ... اني رأيت
ولييييييييييييييد ..
مش تقول ان انت وليد يا وليد .. انا رديت عليك وانا ماعرفش انك وليد يا وليد .. نورت يا باشا واسعدني مرورك ومفيش ابقى عدي علينا كتير .. ده انت لازم تعدي علينا كتير ..
نورتني يا جميل ..
ايه اللى جاب صحابك للمحاضره
نصيحه منى لو عايزه تنجحى
ملكيش دعوه بصحابك خصوصا فيما يتعلق بالمحاضرات احييكى على هذه الشخبطه
وربنا يوفقك
ميرسي يا بنت مصرية .. وما تقلقيش خلاص انا عرفتهم اني من هنا ورايح هندل معاهم ومش هستنى حد :)
شكرا مرة تانية لمرورك وردك وهستنى منك مرورات كتيييير
:D
علي فكرة الصحيان بدري صحي برضة
dew ..
بسمع فعلا عن الموضوع ده وعقبال كده ماحسه يارب ..
ولغاية ما احسه بقى اكيد هينورني مرورك تاني وماتبقاش اول واخر مرة ..
احلى حاجة الصحيان بدرى
ايه ده ازاي مش بتصحى بدري
ده البركة في البكور
واحسن وقت تذاكرى فيه وقت الصبح بعد صلاة الفجر على طول المخ بيبقي في احسن حالاته وبتستوعبي بسرعه
جربي بجد تصحي بدري هتحسي ان اليوم في بركة مش متعفرت
تقبلي مروري وتحياتي
ايه ده .. ده الناس كلها طبعت بتصحى بدري الا انا ..
حسبي الله ونعم الوكيل .. نورتيني ..
انا كتبت التعليق ده بتاع 6 مرات ومش راضي ينزل .. ياترى يا هل ترى هينزل المرة دي
:)
سوسااااااا ..
طبعا منوراني وأسعدني جدا جدا مروري في مدونتك التحفة العسولة .. بجد جامدة جدا .. واتمنى لك كل التقدم والتوفيق .. ومع التقدم والتوفيق ماتقطعيش الجوابات وتفضلي منوراني على طووووول ..
تي تي تي تييييييييييت .. الساعة الثامنة صباحا
بصي بقى يا توتا أولا وحشتيني مووووووووووووت ثانياً يا ستي أنا مش هحقد زيهم ولا حاجه
بجد أنا هشكرك على الشخبوطة الحلوة دي فكرتني بأيام المدرسة وبأولى ثانوي والناس اللي بيصحوا بدري أكيد فكراهم وفكرتني كمان بأيام ما كنا بنتكبر على الميكروباس
((الديري))
ونختار اللي على مازجنا
شكرا يا قمري على التدوينةدي لأن من الحاجات الحلوة في حياتنا أننا نفتكر الذكريات الجميلة والتي تجلعنا في كثيراً من الأحيان نتمنى عودتها
معلش على الكلام الكتير بس تسلم إيديك
بحبك وحشتيني
عبير...
هههههههههههههه .. يا نهار اسود .. لسة فى ناس بتصحى بدرى ..
عارفة آخر مرة صحيت بدرى امتى ؟؟ صلاة العيد الكبير .. ماتقوليش لحد بأه .. دانتى حتى عارفة انى باحاول اصاحب وطواط عشان يكمل معايا سهر اليل
تحياتى و سعيد انى وصلت لمدونتك .
موحا .. ضربة شمس .. عرفتينى ؟؟
بيرو ..
انتي كمان وحشتيني يا قمر .. ومبسوطة جدا ان التدوينة عجبتك وفكرتك بحاجات حلوة .. عدي الجمايل بقى -على رأي واحد - ماتعرفيهوش
:D
موحاااااااااا ..
هههههههه .. طبعا يا جميل وهل يخفى القمر .. اول ما قولت باحاول اصاحب وطواط عرفت لوحدي على طول .. واخيرا لقيت حد زيي مش بيصحا بدري .. احسن انا كل الناس كلوني بسبب التدوينة دي :D
بجد بجد انا اللي مبسوطة جدا جدا انك وصلت لمدونتي الصغنتوتة .. وهستنا منك انك تنورني كتير .. اوعى ماتجيش ..
بيرو يارب تخلصى بقى
وترحرحى كدة
ومعلش بقى استحملى ايام الامتحنات الخنقة دى
صباحك زى العسل ياقمر
ايمي .. صباح الجمال يا قمره .. اديني مستحمله اهوه يا ايمي صحيح مش بمزاجي بس اديني بحاول .. وهي ايام الامتحانات دي اي خنقة .. دي خنقة مركبة بعيد عنك
:D
يا عينى عليكى يا بنتى يعنى صحيتى بدرى وشوفتى وسمعتى كل الناس دول وفى الأخر ملحقتيش المحاضرة برضة
اصحابك دول بيفكرونى بشلة الأنس بتاعتى ..نصيحة منى لما تعوزى تحضرى محاضرات الصبح بدرى دى ..إشربيلك مج قهوة وطبقى للصبح.. وأهم حاجة متستنيش أصحابك..هههههههه.. أنا بهدى النفوس
تقبلى مرورى
لا ما خلاص من ناحية اصحابي ما تقلقيش انا نويت الندالة وعرفتهم .. يعني كله تمام من الناحية دي :)
مايوشا.. اسعدني مرورك ونورني وياريت تبقي تكرريها ..
صحيان بدري؟؟؟
تعاليلي انا وانا احكيلك عليه
برغم النوم اللي انا غرقانه فيه
الا اني ممكن اديكي خبراتي في الصحيان بدري
ها؟ تحبي ولا .........؟ ايه يا بيرو خايفة ليه ده انا بحبك هو مش بيبان عليا ولا ايه؟
نياهاهاهاهاها
لا باين بس بعيد عن الصحيان بدري عشان افضل احبك انا كمان .. منوراني ياللي دايما غايبة عني
:)
Post a Comment