Thursday, March 27, 2008

بحبك أوووووووووووووي أوي ..


ازييكم عاملانين ايه .. انا كنت سايبه البلوج الفترة دي لحملة حماية وبس ومش كنت بنزل حاجة تانية غيرها بس ماكنتش هعرف بصراحه ان النهاردة يعدي كده فاسمحولي بهذا الفاصل ..
اليوم 27 / 3 / 2008
زي النهاردة من 3 سنين - عدوا بسرعة اوي اوي وماحسيناش بيهم - كانت وفاة الفنان العظيم الجميل الراحل أحمد زكي ..
أنا بصراحه مش عارفه عملت ليه البوست ده لاني مش عارفه أكتب فيه ايه .. بس كل اللي اعرفه اني بحب الراجل ده حب مهما قلت عنه مش هقدر اوصف فعلا انا بحبه اد ايه .. وبرضو ماعرفش ليه ..

الله يرحمه بجد كان حد جميل اوووووووووووي اوي .. وانا شخصيا شايفه ان أحمد زكي ماكانش فيه زيه ومش هيكون اساسا .. ماعتقدش ان فيه حد عرف يعمل اللي عمله أحمد زكي في فنه وأدواره .. إن الواحد يتفرج على عبد السميع في البيه البواب و عم سيد المصوراتي في اضحك الصورة تطلع حلوة وعلى جمال عبد الناصر في ناصر 56 و أنور السادات في السادات وغيرهم كتييييييير ويقول ان كل دول هما شخص واحد مش ممكن مش ممكن ان حد يعملها كده وتصدقه في كل مرة ان هو فعلا الحد ده .. واتحدى ان حد في لحظة من اللحظات وهو بيتفرج على اي شخصية من دول حس ولو للحظة انه بيتفرج على أحمد زكي مش على الشخصية بتاعة الفيلم ده ..
بجد لو فضلت أقول وسيبتوني أقول مش هبطل لاني اما بفتح في الكلام عن الراجل ده ما ببطلش كلام ..
وحاجة من الحاجات اللي بتضايقني اوي ان الراجل ده ماكانش يعرف ان الناس بتحبه كل الحب ده .. يعني يا دوب حس بجزء من الحب ده قبل وفاته على طول في رحلة مرضه وأيامه الأخيرة ..
طولت عليكم ويمكن ناس كتير تشوف ان البوست ماكانش ليه لازمة بس انا حبيت في اليوم ده أقول انا اد ايه بحب الراجل ده وأقول الله يرحمه وياريت اللي يشوف البوست يقراله الفاتحه ..
أنا شخصيا بعشق الأغنية دي ..














أغنية ( حبيبي ) اللي غنتهاله ماجدة الرومي ..



الوداع الأخير لأحمد زكي ..




رحم الله من أعطى الفن عصاره روحه ..

4 comments:

كراكيب said...

وحدوووووووه
لا اله الا الله

في ايه يا عبير.. خير يعني؟؟
بحبك اوووووي اوي.. ازاي يعني؟؟
نعم؟؟؟؟
هتحبي في الراجل قدامي؟؟
ايه كمية الواو اللي ف اوي دي؟
ده انتي يومك مش فايت

احمد زكي حبيبنا وكل حاجة بس مش لدرجة كمية الواوات اللي في اوي دي

طب لما اشوفك...

عاشقة القمر said...

ايه يا مرام الحقد ده انتي بتحقدي على الراجل وهو ميت .. بعدين بحبه قدامك ازاي يعني انتي خطيبي ولا ايه .. ده انا بحبه كده قدام ابويا شخصيا :)
والله يا مرام انا بحبه اكتر من كمية الواو اللي في اوي دي كمان :d

Unknown said...

احمد زكى..عبقرى
فنان بمعنى الكلمة
ربنا يرحمه
ونحتسبه عند الله
اما بقى الأغنية
الأغنية دى تحفة اوووووى
و كويس انك جبتيها
علشان انا بحبها اوى
جزاكى الله كل خير
عقبال ما تعمليلى بوست
انا حاسس ان ايامى معدودة
:(
بوست تحفة بجد

عاشقة القمر said...

ايه الكلام ده .. بعد الشر عليك يا رخم ربنا يديك الصحة وتفضل معانا على طوووووووووول .. امال احنا نعمل ايه من غير ايجو اساسا .. الف لا بعد الشر عليك على رأي احمد حلمي ..
وبالنسبة للأغنية اي خودعة يا باشا انا شخصيا بموت فيها وكنت دايخة عليها ..
وميرسي يا جميل على ردك الجميل برضو واللي اسعدني اصل انا بفرح اوي اما الاقي حد بيحب حبيبي أحمد زكي زيي ..
شكرا ليك يا ايجو وماتقولش الحاجات الوحشة دي تاااااااااني ..