.. حاسه أنه فعلا مش أي حاجة غير يوم عشانك يا بلدي
ودي قصيدة أو خاطرة .. شعر : أحمد الصباغ
.. مدفع الإضرااااااااااب .. إضرب
لما الفســـاد وقــّـفوه حـــارس على وطنى
ولهيب الغلا كوانى .. وحتّ ف بدنى
لما الحرامى سرق منى اللقمة والميه
وسرق هدوءى وسكنى .. حتى من سكنى
لما الحلم حتى اتسرق .. من يومى .. من زمنى
لما النظام نسج - فى عز الشباب - كفنى
أنا قلت هعلن العصيان
فى يوم حزين مـَدنى
انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم
لما سألت عالعيش .. قالوا مفيش
وقالو العيش على الأبونية
وسألت عالزيت .. وعزّيت
لما عرفت إن الزيت بتسعة جنيه
وسألت على حديد البُــنا
قالوا الحديد .. خلاص فى كرش البيه
انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم
لما البشر والحجرووادى النيل ببنى أدمينــــه
لما زمان الوطن بايامة وشهورة وسنينه
لما الصغير والكبيرقالوا كفاية مش عايزينــة
كفاية علينا حكم سنين
تخرج الواحـــــد من دينـه
انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم
لما المبيد صبح سرطان
يهرى ف ارضنا .. فى الزرع .. فى مواطن
لما بؤ الميه صبح وسخ داكن
لما خرب الاقتصاد .. واحد على تلـّـــهَ
قاعد وشارب وواكل وساكن
لما الشباب بيصرخ .. فى ذل ومهانة
ولا شغل ولا توظيف ولا شقة ومساكن
انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم
9 comments:
أنا لسه قريها عنده دلوقتي
بس لسه الناس مش حاسه بحب البلد
...
أنا أعتقد إن الإضراب ماكانش بالشكل اللي كان المفروض يكون عليه
الناس كارهه البلد من اللي حاصلهم زي ما تكون هي اللي بتعمل فيهم كده .. مش قادرين يظبطوا دماغهم عشان يحددوا هما كارهين ايه كل اللي عندهم انهم كارهين وخلاص فبيلزقوها في البلد ..
بالنسبة بقى لان الاضراب ماكانش بالشكل اللي المفروض يكون عليه فبجد مش عارفه بس اللي واضح لغاية دلوقتي في كل الاخبار اللي شوفتها انه تقريبا اجهض الاضراب في كل حتة .. ماحدش عارف اليوم هينتهي على ايه ..
وبجد نورتني يا انسان وشرفتني بمرورك الاول واللي اتمنة انه مايكونش الاخير .. شكرا ليك ..
اشكرك للتنوية والدعم
وتحياتى لكى على المدونة الاكثر من رائعة
احمد الصباغ
هو بالنسبه للاضراب يا عبير انتى عارفه انا كنت مش موافق على الفكرة .. بس الغريب اوى ان الناس النهارده نزلت و تعايشت عادى جداً و بكرة هينزلوا وفى ناس تانى كل اللى فى بالهم امتى نعمل يوم تانى زى ده !! .. حاسس ان ثقافه الاضراب جت غلط !!
ربنا يخليك يا خالو .. واكيد لا شكر على واجب يعني .. وبجد انت مش عارف رأي حضرتك بيسعدني اد ايه .. ويارب دايما منورني كده ورافع من روحي المعنوية ..
أحمد عطية ..
منورني يا جميل .. والله يا احمد انا شايفه انها حاجة كويسه ان حد يتحرك وتحس ان لسه فيه حد عنده استعداد يقول او يتحرك ويوصل اللي هو فيه ..
طيب اشمعنا انا معلقش يعني
بصي يابيرو ...الإضراب ده معتقدش إننا مممكن نتكلم عنه غير في المحلة
لأن باقي المدن عاشت عادي من غير أحداث وإن كانت التغطية الأمنية أكبر يومها
بس أكتر ماعجبني صح إن أخويا كان واخد أجازة يومها
وقال يتصل بالشغل عشان يقضي مصلحة بالتليفون
في العادي يعني....هوا بيرن من ساعة لتلات ساعات وربع عشان حد يرد عليه
المرة دي التليفون ملحقش يقول النون اللي في تررررن
كانوا بيأكدوا إن الهيئة مفيهاش إضراب
كل إضراب وأنتي بخير
وانت بالصحة والسلامة يا دكتور :) .. وطبعا انت اللي ماعلقتش عشان غايب معلش هعديهالك المرة دي عشان الامتحانات .. بس اوعى تعملها تاني ..
سوري يا محمد الكومينت اللي نزل باسم ميرو ده بتاعي بس الظروف بقى وكده .. ماتاخدش في بالك ..
Post a Comment