Thursday, March 20, 2008

الأسبوع الثاني من حملة حماية ..


متأخرة متأخرة متأخرة .. - لا ده انا بزعق لي - انا فعلا اتأخرت في تنزيل الموضوع ده بس معلش - لا مفيش حاجة اسمها معلش ما احنا ما بيجيبناش ورا غير معلش دي - خلاص اكتمي ونزلي الموضوع بقى .. احم .. اوك .. وإليكم الأسبوع الثاني من حملة حماية ..


واجب الأسبوع الثاني من الحملة هو عمل 5000 نشاط في الوطن العربي عن الحملة ..
الأنشطة دي حاجات كتييييييييير اوي ممكن تتعمل .. زي مثلاااااااا ..
عمل ندوات للتعريف بالحملة وكيفية المشاركة فيها - عمل ماتشات - كلمة في إذاعة مدرسية - مجلة حائط في كلية في مدرسة في مدخل عمارة - فيه حاجات كتير كتير اوي بس الواحد يفكر .. وده كله طبعا ونشاط الأسبوع الأول مستمر اللي هو توزيع الاستيكرز في كل مكان وعلى كل الناس ..وبرضو الطرق كتير جدا .. زي لزقه على الحوائط في الشوارع والمواصلات - فتح البلوتوث وبعته لكل الموجودين حواليك - توزيعه على محلات الدليفري واقناعهم بتوزيعه مع الحاجات اللي بيوصلوها - فيه حاجات كتير برضو واللي عايز اكتر يدخل هنا وهيلاقي اكتر وعلى فكرة انا مش جايباهم من دماغي دي حاجات اتعملت فعلا ..
المواد اللازمة لإقامة الأنشطة الترويجية للحملة ..
المادة الأولى : المادة الفيلمية للتعريف بالحملة .. فيديو جااااااااااامد .. حملوا من هنا
المادة التانية : بروشور الحملة .. أشكالهم تحفة .. حملوا من هنا
ولا أقولكم هحطهم ..




يلا بسرعة حملوه واطبعوه ووزعوا وشاركوا يا بني آدمين خليكم إيجابيين وما تحرموش نفسكم من ثواب المشاركة .. يلاااااااااااااااااااا ..
صحيح نسيت أقولكم .. كان المفروض ان يتعمل في الأسبوع ده 5000 نشاط .. ده الرقم المطروح في الحملة والأسبوع لسه ما خلصش والأنشطة وصلت في اللحظة اللي بكتب فيها دي ل 16702
وكالعادة هجيلكم تاني بكل جديد .. انا وراكم وراكم مش هسيبكم ابدا .. ده انتوا حبايبي :)

5 comments:

قيصر سابقاً said...

والله يابنتى
يعنى هو اصل
تمت محاولات وخلاص
بس عم ميمي كسب !

عاشقة القمر said...

إحم .. هو انا مش فاهمه حاجة تقريبا .. اللهي يخليك يا قيصر سابقا اما تعدي تاني تكسب فيا ثواب وتفهمني انا زي اختك برضو :)
وطبعا نورت بأول مرور ويارب تتكرر تاني بس بعد ما تفهمني الاول :)

عاشقة القمر said...

اييييييييييييييييييييه دددددددددددددده .. ده طلع حمووووووووووود .. والله ماكنت اعرف .. انسى انسى الكومينت اللي فات ده مادام طلعت حمود ابقى كده فاهمه وفاهمه جدا كمان ده حمود :)
بس صدقني يا حمود والله ماهي محاولات وخلاص وبالرغم من انها لسه ماخلصتش إلا انها فعلا نجحت ونجاح جامد كمان .. نشاط الاسبوع الأول تم بأعلى ماكان متوقع له ونفس الحكاية نشاط الاسبوع الثاني .. وفيه حوالي 1800 مدمن اتصلوا وملوا استمارات العلاج .. يعني مش محاولات صدقني وكل النتايج اللي بقولهالك دي ولسه الحملة ماخلصتش ..
واكيد اكيد اكيد انت عارف انك نورتني يا حمود .. والله يابني وحشتني ردودك زي ماواحشني اوقات بالظبط ..ابقى تعالى تاني .. ومبروك يا باشا على البلوج الجديد ..

قيصر سابقاً said...

بصى يابنتى
بصى هو انا مش عارف الكلام اللى بيتقال ده صح ولا لأ
لانى بصراحه مفتكرش .. ان فى نتايج ايجابيه اوى كده
بس على العموم .. فعلا ربنا يوفقكم ..
واتمنى حد يقول لاخويا حكايه الحمله دى :s
ده حتى هو بيحب الفنان شعبان :D

عاشقة القمر said...

ههههههههههههههه .. يبقى تحمله الاغنية وتسمعهاله .. بعدين حد يقوله ليه وانت رحت فين ان شاء الله .. بعدين ده انت ليك انجازات مهولة في الحملة دي والزاوية الحمرا تشهد :D
وانت ليه مش مصدق الايجابيه اللي موجوده فعلا لو مش مصدق تبقى ما شفتش ولا فيديو من فيديوهات الحملة اتفرج وهتصدق .. انا كمان ماكنتش مصدقة ان فيه حد هيعمل كل ده .. بس شكله كده لسه فيه امل ..
نورتني يا حمود ..