يعنى هنكون ممنونين لوحد يعنى خد الحتة دى "كوبى بيست" عنده فى مدونته,موقعه,على حيطة بيتهم أى حتة والسلام..يعنى هتكون مساعدة من الإنسان.. لأخوه اللى هو الإنسان برضه (زميله فى البشرية يعنى) ولاهى الإنسانية إنعدمت فى الزمن ده..تخيل تساعد المحتاجين بــ "كوبى بيست" إيه الحلاوة والبساطة دى؟؟ياللللا يا حبيبىياللللا يا بابا..شكة دبوسكووووووبى....بييييييست....هييييه شفت بسيطة ازاى....حسيت بحاجة...شطووووورتشكر يا ذوق يا أمير يابن اللللل أمرا..ماتخافش نسبتك محفوظة..فى الثواب ماتفهمنيش غلط
أرجو التفاعل مع موضوع جمع بواقى الأطعمة(الموضوع السابق)لأنى أرى أنه موضوع غاية فى الأهمية
أرجو التفاعل مع موضوع جمع بواقى الأطعمة(الموضوع السابق)لأنى أرى أنه موضوع غاية فى الأهمية
13 comments:
جميل
سعدت بتصفح مدونتك
احمد
استاذ أحمد الصباغ ؟ .. وسعيد بتصفح مدونتي أنا ؟؟؟؟ ..
ده انا اللي سعيدة جدا ان حضرتك شرفت مدونتي .. انا لسه متعرفه على البلوجر بتاعة حضرتك امبارح بس .. بس بجد عجبتني جدا جدا بس للأسف مالحقتش امبارح اسيب تعليق .. ايوه انا فاكرة ان انا ماسيبتش تعليق تقريبا كده يعني :) بس حضرتك عرفت مدونتي المتواضعة منين ..هو انا سيبت تعليق ومش فاكرة ولا ايه .. هو انا هيست ولا ايه :)
في كل الحالات حضرتك نورت مدونتي المتواضعة وشيئ يسعدني انها تعجبك ..
يا خباااااااااار
والله الدنيا لسة بخير
ربنا يكرمك يا..يييا...يا بنتى
ولو انها متأخرة
happy birthday to you 3abeer
happy birthday to you
بعد اذنك أنا لسه جديد عندك هنا وعجبتنى الصفحة بتاعتك جداااا وأتمنى تزورينى فى بيتى أقصد فى مدونتى الى هيا بيت المصريين جميعا بس الرومانسيين فقط طبعا...منتظر أشوفك هناك وعلى فكرة موضوع بواقى الطعام أتمنى يعود عليا بجد لأنى فى الغربة وجعاااااان جدا....منتظرك هناك فى الصومال أقصد فى مدونتى
أهلاً بيكي هناك ....فرحت جداً بالكومنت بتاعك عندي وخصوصاً إنه أول بوست ليا بعد غياب طويل
أتمنى الزيارات المتبادلة تستمر
بالنسبة للبوست ده... فهو غير واضح ومفهمتوش
بس أنا زرت مدونة مصطفى ىمحمود والحمد لله ....مفهمتوش برضو
على العموم مدونتك ككل جميلة وأتمنى لكي التوفيق...واللي شجعني أكتر على التعليق عندك إنك البلوج بتاعك مش من ذوات الـ +60 كومنت كعادة المدونات النسائية....الصباغ فاهمني أكيد
بإنتظار بوستات تاني ...وأبقي أديني رينج هناك
أستاذ مصطفى ..
ربنا يخليك .. ولو على التأخير فدي حاجة عادية جدا السنة دي في عيد ميلادي ميرسي جدا ..
ميدو هيتس ..
نورت المدونة .. وأكيد هاجي مدونتك ويسعدني مرورك مرة تانية وتالتة و سبعة وسبعين ..
محمد محمود يوسف said...
أهلاً بيكي هناك ....فرحت جداً بالكومنت بتاعك عندي وخصوصاً إنه أول بوست ليا بعد غياب طويل
أتمنى الزيارات المتبادلة تستمر
أكييييييييييد ان شاء الله زي ما قلتلك مش هتكون آخر مرة بس انت ما تطولش الغياب تاني .. واتمنى أشوفك هنا تاني كتير ..
وبالنسبة يا سيدي للموضوع اللي انت ما فهمتوش دي حفلة للأستاذ مصطفى محمود وهتكون يوم 21 / 3 في ساقية الصاوي زي ما مكتوب بالظبط .. يارب تكون وصلت ..
على العموم مدونتك ككل جميلة وأتمنى لكي التوفيق...واللي شجعني أكتر على التعليق عندك إنك البلوج بتاعك مش من ذوات الـ +60 كومنت كعادة المدونات النسائية....الصباغ فاهمني أكيد
بإنتظار بوستات تاني ...وأبقي أديني رينج هناك
ميرسي جدا جدا على رأيك الجميل في مدونتي المتواضعة واللي أسعدني جدا وإن شاء الله ما يكونش المرور الوحيد ليك وتيجي كتير وتفضل دايما عاجباك .. بس هو بما ان الصباغ فاهم هفهم انا كمان ولا اعديها :)
يعنى دى عزومه ببلاش منك ولا بفلوس والى يروح يبقى ليه نسبه من الاكل .. على العموم لو لقيت نفسى فاضى اروح واشوفه
ابقى تعالى انا كمان ان شاء الله هكون هناك .. بس ما تجيب القلم الأول :D
ياستي....أنا شاكك أساساً إذا كان الصباغ فهم
عديها وقلبك أبيض
:)
خلاااااااااااص اعديها المرة دي لكن المرة الجاية ابداااااااااا .. حنفي .. مفيش حنفي :)
محمد .. بجد اسعدني مرورك للمرة التانية وعرفني انه مش هيكون المرور الوحيد .. منورني دايما ..
الصديقة العزيزة .. عاشقة القمر
العصفورة قالت لى على مدونتك
ايوة انتى شرفتينى بتعليقك الجميل
وانا سعيد جدا بيه
وكمان سعيد بإنى أكون صديق لمدونتك الجميلة
:)
أحمد
بجد ده شيء يسعدني انا اكتر بكتير انك تعتبرني صديقة وانك تكون صديق لمدونتي الصغنتوتة دي .. ويشرفني جدا وجودك المستمر وحضورك الدائم .. ميرسي جدا على ذوقك .. ويارب دايما منور مدونتي ..
Post a Comment