Sunday, April 20, 2008

.. أبواب الزمن

قبل ما انزل البوست لازم اعتذر للبلوج بتاعتي اوي اوي جدا خالص عن غيابي عنها وأقولها انها وحشتني جدا .. ناس كتير هتقول عليا مين الهبلة اللي بتكلم البلوج بتاعتها دي .. عاااااااااااااادي
أبواب الزمن

يقولون أن الأيام تداوي الجراح .. ولكني وجدت أنها لا تداويها .. بل تغلق عليها بألف باب وباب .. فلا
نعد نشعر بها مع مرور الزمن ولكن عندما يأتي يوم بذكرى غالية تمس هذا الجرح فيعود لأنينه ويعلن عن عدم مداواته .. فلم يكن هذا السكون لبراء الجرح ولكنها أبواب الزمن التي أغلقت عليه .. فجرح القلب لا يداوى ولكنه ينسى وتغلق عليه الأبواب ..

12 comments:

كراكيب said...

ححححححححححححححححح ايه يا عبير الجمودية دي
جامدة جدا على فكرة الحتة الصغيرة دي اللي هي الموضوع ده اساسا
واللا الصورة أوووو.. ده افيش فيلن كامب ده يا عبير واللا ايه؟؟
ماعلينا وعلى فكرة انتي لازم تعتذري للبلوج بتاعتك علشان انتي من ساعة ما اتلميتي على شلة الفيس بوك وانتي ناسياها.. اخصصصصص عليكي دي هي اللي بقيالك

شششششششششششششش بقى بطلي رغي
يلا سلامو

عاشقة القمر said...

ميرووووووووو .. مع اني مش طايقاكي عشان مش راضيه تروحي للدكتور بس ماشي
والله ما انا اعتذرت وقولتلها اني اسفه وانها وحشتني وكل الحاجات .. بس والله مش الفيس بوك اللي اخدني منها انا ماقدرش استغنى عنها ابدا دي حبيبتي بس انت عارفه اني كنت متخانقة معايا ومش بكلمني ومش بكتب فيمكن عشان كده بس .. وهحاول اكتب تاني ومش هغيب عنها ابدا ..
بعدين انا صورة البوست بتاعي عامله زي افيش فيلم الكرتون ده .. ماشي يا مرام
شوفتي انا رغيت اكتر منك ازاي ..
(k)

afuoneyiat said...

موضوع جميل يدل على رقه مشاعرك
ولكن اعلمي ان هذه هي الحياه فرحه يقابلها حزن,وانتصارات يقابلها إنكسارات.
فلايجب أن تتوقف حياتبا عند موقف معين
بل يجب أن ننساها ونتغلب عليها ونؤمن
بان كل منا لاياخذ الا نصيبه في هذه الحياه

عاشقة القمر said...

ربنا يخليك .. ميرسي يا افيونيات على كلامك الجميل ومرورك الاجمل .. ويارب ماتكونش اخر مرة ..

شادي أصلان said...

صحيح يا عبير اعتقد ان الزمن لاينسينا قد ما يغلق علي احزانا وذكرياتنا الابواب ويهيل عليها اجولة من غبار الحياة حتي تاتي لحظة صغيرة نتيجة حدث صغير تنهال المياة لتذيب كل الغبار والمطارق تدق لفتح كل الابواب فتشعرين بالجرح وكأنه طازج يدمي
بجد بوست صغير بس معبر جدا جدا جدا

كراكيب خلي بالك انا واحد من شلة الفيس بوك بس الجو بينكو جميل بجد شرفينا بقي في الفيس بووك ومتخفيش مش هنكون سبب في انك تنسي حد


يااا دا انا زغاي بشكل غير مسبوق أسف للصداع
سلاموووز

عاشقة القمر said...

صداع ايه بس .. شادي اصلان بنفسه الضربشمساوي الجامد موجود في مدونتي المتواضعه وتقولي رغاي وصداع .. البيت بيتك وتقول كل اللي نفسك فيه اساسا ..
وعلى فكرة كراكيب دي هي صديقتي الصدوقة الضربشمساوية القديمة اللي عرفتني على ضربة شمس اللي دايما بقول عليها هناك ..
ثانيا او تقريبا ثالثا ولا سبعتاشر حتى :) فكلامك جامد جدا وتشبيهك فيه حلو اوي اوي ..
وبجد مش عارفه اقولك سعيدة بزيارتك اد ايه وبكلامك ورأيك الجميل في موضوعي الصغنتوت.. واد ايه نورتني ويارب كده على طول .. ومن غير ما تقول انك رغاي .. انت تيجي هنا وتقول كل اللي انت عايز تقوله مافيناش حد هنا مش بيرغي :D
شوفت انا شخصيا رغاية ازاي :)
نورت مرة تانية يا شادي

Anonymous said...

......................................................................................................
ححححححححححححححح،،
اسكتي يا عبير مش هقولك ان النقط دي المفروض يبقى مكانها ايه، عشان مش معايا كلينكس دلوقتي
بره

عاشقة القمر said...

ميهووووووووو .. اخيرا .. عودة بعد طول غياب .. اوعي تعملي فيا كده تاني وتغيبي عن زيارتي وحشتيني ..
وبالنسبة للنقط اجيب معايا كلينكس واجي تقوليلي طيب ولا ايه ..
وبره كمان .. انت بتتروووودني هو انت كل ماعمل حاجة هتتروووووووودني - حزمني يا - اكيد عارفاها
:D
نورتيني يا قمر وسوري على احتياجك للكلينكس بسببي

Anonymous said...

يقولون أن الأيام تداوي الجراح

بصي،، احيانا بيبقى الموضوع صح وشغال بس لما يبقى صاحبها واحد عنده البتاعة دي اللي بيسموها الارادة والقوة وانك تبقي عايزة فعلا تداوي الجرح،، مش اسمه بس الايام مسيرها تنسيني
ساعات احنا بيبقى علينا العبء الاكبر والكبيرو والاعظم والعظيم

عاشقة القمر said...

اهيء اهيء .. عارفاه يا اوختشي عارفااااه ..
بس والله يا ميهو سعات بيبقى عندك اللي اسمها ايه البتاعة الارادة والقوة دي بس مش القوة اوي يعني .. بس بتبقي اكيد عايزة تداويه ومش بتعرفي مش بتقدري .. مش عارفه بالظبط

ومش قادرة اقولك على فكره اسعدتيني اد ايه بوجودك للمرة التانية .. مرتين في بوست واحد يادي الهنا اللي انا فيه ..

ادم المصرى said...

على فكره مدونتك جميله جدا بجد يارب تزورينى فى مدونتى

عاشقة القمر said...

آدم
ميرسي ربنا يخليك ده من ذوقك .. وان شاء الله اكيد هزورك في مدونتك بس استناني بعد الامتحانات يعني حضر حاجة اشربها لغاية ما اجي ..
نورتني بزيارتك الاولى واتمنى تكرارها كتيييييييير