Monday, October 6, 2008

أن تفاجأ بأنك كالآخرين


أن تكون الصديق المقرب بل الأقرب من دون الجميع .. فأنت كنت تعلم أنك الأقرب ولا أستطيع أن أقول أنك كنت تتخيل .. فأنت لم تكن تتخيل بل تعلم وتعرف جيدا أنك الأقرب وبكل تأكيد من الطرف الثاني على ذلك قولا وفعلا
إلى أن جاء اليوم الذي فوجئت فيه بأنك عنده كالآخرين .. لا تفرق شيئا عنهم بل من الممكن أن نقول أنك الأقل بينهم .. فعندما قرر الإبتعاد عن الناس كنت أنت الأول .. عندما قرر الإختلاء بنفسه هرب منك أنت أولا .. وأصبحت أنت الأبعد وليس الأقرب .. لماذا ومتى أصبحت هكذا ؟ .. لا تعلم
لم يكن حدوث مثل هذا الأمر ليمر بخيالك من قبل .. لم يكن ما بينكما على مر السنين ليسمح بحدوث مثل هذا الأمر .. ففي الماضي كان يبتعد عن الناس كل الناس في حالة احتياجه للإختلاء بنفسه ولكن لم يكن ليفكر لمجرد التفكير في الإبتعاد عنك كباقي الناس .. لم تعودا تتعاملان كشخصان .. بل كشخص واحد لا يستطيع الإبتعاد عن نفسه .. لذلك عندما يقرر أحدكما الاختلاء بنفسه والإبتعاد عن الناس يكون هذا على الجميع إلا أنتما
ولكن جاء اليوم الذي تفاجأ فيه بأنك كالآخرين .. فلم تعُد الملجأ الذي يلجأ إليه .. جاء اليوم الذي تفاجأ فيه بمعرفتك أنه يهرب منك بدلا من أن يبحث عنك .. جاء اليوم الذي تنتظره فيه ليأتي ويكذب دموع قلمك وقلبك وانت لا تعرف سيكذب أم سيؤكد ؟؟
مازال العقل يفكر والقلم يدمع والقلب يُكذّب .. لن يكن هذا حقيقيا .. ستذهب له وسيكذب كل هذا .. سيشرح ما حدث وتعرف أن الإبتعاد لم يكن بإرادته .. ولكن ماذا سيحدث لك إذا أكد شكوك العقل والتفكير ؟ بالطبع لا تعلم .. ولكن بالرغم من كل شيء ومن كل ما سيحدث ومن كل التخمينات والشكوك ستذهب له .. ستذهب لتطمئن عليه أولا .. فلا تستطيع القلق عليه أكثر من ذلك ولتواجه هروبه وتعرف حقيقة الأمر .. ولكن ...... سيُكذّب أم سيؤكد ؟؟؟

12 comments:

Anonymous said...

السلام عليكم عاشقة القمر :-
أولا أنا هعلق على لموضوع وانا مش عارف دة حصل حقيقي أم كتابة قصة من الواقع .
المهم .
من الصعب أن اتخذ صديق أو صاحب وفي النهاية أكن شي من عدمه تحوذ في نفسي ولا أقدر أن اسامح نفسي وأسال كما تسالين لماذا أنا لماذا يفعل معي كبقيت الناس .
إذا قد حدث ذلك حقيقة لابد وان ترجعي إلى ذاك الشخص وبسؤاله سيتضح الأمر .
أما إذا كان كتابات فقط فذاك ردي .
شكرا لكي .
( عتاب الندل إجتنابه ) .

إبن مصر said...

السلام عليكم عبير

ايــــــــــه الموضوع ده
إننى اشم من وراءه رائحة الغضب ارجوا من الله ان يكون من خيالك وليس له اى شئ من الحقيقه
وعلى فكره انا ملاحظ ان فى حد معين مش هقول اسمها مش بتعلق
خييييييييييير يارب

تحياتى وياريت تطمنينى

كراكيب said...

ندل؟؟ واجتنابه؟؟

وفي حد معين ومش هقول اسمها؟؟؟

حححححححح

طيب

عاشقة القمر said...

australia ..
وعليكم السلام ورحمة الله وبركاته
يانهااااااار ندل ؟ .. لا بس انا مش قولت نداله في الموضوع خالص انا قولت ان الموضوع تايه ومش لاقي بر يحدد ايه اللي حاصل بالظبط وعشان كده قولت زي مانت قولت لااااابد من المواجهه عشان تتحدد المواقف وتعرف الاسباب
شكرا يا نور على مشاركتك وماتحرمناش منها ابداااااا
:)

عاشقة القمر said...

ابن مصر
وعليكم السلام ورحمة الله وبركاته
هههههههه .. لا خالص طبعا يا محمد اطمن تماما .. والحد المعين اللي بتقول عليه انت عارف انه مش موجود وغايب غياب عام حتى عنده مش غياب خاص بمدونتي انا بس يعني .. ده غياب رمضاني مش اكتر ماتقلقش خاااااالص

عاشقة القمر said...

ميرووو حبيبتي وحياتي
وحشتي مدونتي موووووت .. بس خير يعني نعم ؟ ايه اللي داخله تعلق على تعليقات الناس دي
لا وجايه ورا كلام محمد بالظبط .. دلوقتي هيقول اني روحت نديتلك وانا مش عارفه اوصلك اساسا .. والنبي يا شيخه تصلحوا تليفونكم بقى انا تعبت
:)

الملاك said...

السلام عليكم ورحمة الله وبركاته
اختى عاشقة القمر
لقد اثر فى موضوعك كثيرا
اختى اعلمى اننا ومهما ارتبطنا بالاخرين حتى اصبحنا شئ واحد تاتى لحظات نشعر اننا يجب علينا الانفصال عنهم اذا ما شعرنا بان قربنا منهم يمكن ان يضرهم اكثر مما ينفعهم او ان حزننا يمكن ان يؤثر على علاقتنا بهم سلبا وهذا يكون ناتج من حبنا لهم وحرصنا عليهم وليس العكس
فلا تتسرعى اختى وانتظرى حتى تضح الصورة
اختى كلامى هذا لا اقوله ارتجالا بل عن تجربة فاطمئنى فالصداقه لا يمكن ان تهون على احد مهما كانت الظروف خصوصا عندما يكون الصديق مثلك يحمل كل تلك المشاعر الصادقه ناحية صديقه

تقبلى فائق احترامى وتقديرى
دمتى برعاية الله

Anonymous said...

السلام عليكم

عاشقه القمر
انا حاسس بكل كلمه كتبتيها
لانها حصلتلى
انسان كنت بعتبره اخ ليا
وفيه نفس الاحساس ال كتبتيه ده
بس هقولك حاجه
مفيش حاجه اسمها صداقه ولا اخوه دلوقتى ودى نصيحه
مفيش حد يستاهل دلوقتى
ونصيحه منى
خلى بالك من نفسك ومتامنيش لحد
فارس بلا جواد

عاشقة القمر said...

الملاك
ربنا يخليكي يا جميلة .. بس انا مش فظيعه اوي كده يعني
:)
شكرا على كلامك الجميل ده يا قمر وعلى رأيك الأجمل وياااااارب دايما منوراني بردودك وآرائك الجميلة دي

عاشقة القمر said...

فارس بلا جواد
معلش اسمحلي انا مش معاك .. ماينفعش ما يبقاش فيه صداقه .. ده لو مفيش صداقه ما يبقاش فيه اي حاجة حلوة .. مش معنى ان الواحد في مرة اختار غلط فنقول ان مابقاش فيه حاجة اسمها صداقه .. دي من اهم الحاجات اللي في الحياة ان يكونلك صديق وصديق بجد اوي .. انا بحس ان الصديق ده هو كل حاجة لو عندك مشاكل مع الناس .. في البيت .. في حبك .. في اي حاجة اي حاجة هو اللي دايما جانبك وفاهمك اوي حاسك مووت ده لو فعلا اخترت صح .. حد بيشاركك كل لحظاتك الحلوة وفي الوحشه لو وقعت هو الايد اللي هتتمد تقومك وتطبطب عليك حتى لو مش بإيده حاجة يعملهالك بس جنبك ومش سايبك .. عشان خاطري ما تقولش تاني ان مفيش حاجة اسمها صداقه صدقني فيه بس انت دور كويس واختار صح .. انا شخصيا اما اخترت صح معايا انتيمة حياتي ميرو اللي كل الناس في البلوج خلاص بقت عارفانا ببعض وماقدرش استغنى عنها وهي الصداقه بالنسبة لي ..
دور وابقى قولي .. وياريت بعد الرغي اللي انا رغيته ده كله ما تتخضش وتحلف ماتيجي تاني .. لازم تنورني كتيييييير

قيصر سابقاً said...

بصي يابنتي انا هقولك علي كلمة بعد طول غياب ..
لو كان في شخصية مكانش حصل الكلام ده :D

عاشقة القمر said...

هههههه .. مش بضحك اصلا
بعدين غياب ايه هو ده غياب دي هجره .. ده بلوجك نفسها لو جيت تدخلها هتقولك اجري العب بعيد وهتعتمد هي على نفسها وتنزل جديد لوحدها .. اطلع برا يا احمد
:D