.. إذن غياب

المرة دي بستأذن أهوه يا ميرو ..

هغيب عنك يا مدونتي يا حبيبتي كام يوم كده .. أخيرا أخيرا أخيرا سنحت الفرصة - كويسه سنحت دي قال سنحت قال - سنحت الفرصة اني اروح أقضي يومين عند حبيبتي

اسكندريــــــــــــــــــــــــــــة

.. بس من غير حقد والنبي يا جدعان عشان ارجع تاني

.. يلا أشوفكم على خير إن شاء الله

.. أبواب الزمن

قبل ما انزل البوست لازم اعتذر للبلوج بتاعتي اوي اوي جدا خالص عن غيابي عنها وأقولها انها وحشتني جدا .. ناس كتير هتقول عليا مين الهبلة اللي بتكلم البلوج بتاعتها دي .. عاااااااااااااادي

أبواب الزمن

يقولون أن الأيام تداوي الجراح .. ولكني وجدت أنها لا تداويها .. بل تغلق عليها بألف باب وباب .. فلا

نعد نشعر بها مع مرور الزمن ولكن عندما يأتي يوم بذكرى غالية تمس هذا الجرح فيعود لأنينه ويعلن عن عدم مداواته .. فلم يكن هذا السكون لبراء الجرح ولكنها أبواب الزمن التي أغلقت عليه .. فجرح القلب لا يداوى ولكنه ينسى وتغلق عليه الأبواب ..

.. المحلة الغزاوية

عارفه إن العنوان عجيب بس اصل انا أول ما شوفت الصور اللي هتشوفوها دي ماكنتش مصدقة نفسي إن دي المحلة حسيت إني بتفرج على صور لغزة .. استغربت جدا أما عرفت ان ده كان شكل المحلة امبارح .. أكيد الصور دي لو كان مكتوب عليها غزة كنا هنصدق اكتر وكان هيبقى الأمر طبيعي ومتعودين عليه بس المحلة !!!! .. هسيبكم مع الصور

الصور نقلا عن مدونة .. يالالاللي

وده كان جزء من صور الإضراب في المحلة .. بس بجد أسوأ ماكان هو الخراب الرهيب اللي حصل في البلد دي .. من بلد اتدمرت لناس ماتت لناس مصابين لحاجات كتيييير ..

وبعد كل اللي شوفناه بعنينا من صور وفيديوهات في كل حتة شوفوا الأهرام كاتبه ايه .. الناس دي بتهرج والله

نقلا عن مدونة .. خالو .. أحمد الصباغ

دلوقت بقى هقولكم نكتة حلوة

شوفوا الاهرام كاتب ايه بكرة واضحكوا

انتظام العمل بجميع مؤسسات الدولة ورفض الإضراب

خلو الشوارع والميادين بالقاهرة والمحافظات من المظاهرات
رفض الشعب المصري أمس بجميع طوائفه وفئاته دعوة بعض المغرضين إلي الإضراب عن العمل‏.‏ وشهدت مؤسسات الدولة حضورا مكثفا من جميع العاملين‏,‏ وحرصا كبيرا علي استمرار العمل‏,‏ وزيادة الإنتاج بصورة فاقت الأيام العادية‏.‏ وخلت شوارع المحافظات وميادينها ـ بما فيها العاصمة ـ من المظاهرات والوقفات الاحتجاجية‏,‏ لإسقاط الدعوات التحريضية‏
ههههههههههههههههههههههههههههه

: لمتابعة أجمد تغطيات للإضراب

.. مدونة 6 أبريل

.. مدونة يالالالي

.. مدونة خالو .. أحمد الصباغ

.. المضربين أهما

أبريل .. يوم الإضراب العام 6

بجد النهاردة مش حاسه غير حاجة واحدة بس .. الجملة اللي قريتها من كام يوم على الصورة دي

.. حاسه أنه فعلا مش أي حاجة غير يوم عشانك يا بلدي

ودي قصيدة أو خاطرة .. شعر : أحمد الصباغ

.. مدفع الإضرااااااااااب .. إضرب

لما الفســـاد وقــّـفوه حـــارس على وطنى

ولهيب الغلا كوانى .. وحتّ ف بدنى

لما الحرامى سرق منى اللقمة والميه

وسرق هدوءى وسكنى .. حتى من سكنى

لما الحلم حتى اتسرق .. من يومى .. من زمنى

لما النظام نسج - فى عز الشباب - كفنى

أنا قلت هعلن العصيان

فى يوم حزين مـَدنى

انا قلت هعمل الإضراب

ولم الدنيا والعالم

فى يوم ابيض على المظلوم

اسود كئيب على الظالم

لما سألت عالعيش .. قالوا مفيش

وقالو العيش على الأبونية

وسألت عالزيت .. وعزّيت

لما عرفت إن الزيت بتسعة جنيه

وسألت على حديد البُــنا

قالوا الحديد .. خلاص فى كرش البيه

انا قلت هعمل الإضراب

ولم الدنيا والعالم

فى يوم ابيض على المظلوم

اسود كئيب على الظالم

لما البشر والحجرووادى النيل ببنى أدمينــــه

لما زمان الوطن بايامة وشهورة وسنينه

لما الصغير والكبيرقالوا كفاية مش عايزينــة

كفاية علينا حكم سنين

تخرج الواحـــــد من دينـه

انا قلت هعمل الإضراب

ولم الدنيا والعالم

فى يوم ابيض على المظلوم

اسود كئيب على الظالم

لما المبيد صبح سرطان

يهرى ف ارضنا .. فى الزرع .. فى مواطن

لما بؤ الميه صبح وسخ داكن

لما خرب الاقتصاد .. واحد على تلـّـــهَ

قاعد وشارب وواكل وساكن

لما الشباب بيصرخ .. فى ذل ومهانة

ولا شغل ولا توظيف ولا شقة ومساكن

انا قلت هعمل الإضراب

ولم الدنيا والعالم

فى يوم ابيض على المظلوم

اسود كئيب على الظالم

.. منقول من مدونة / خالو .. أحمد الصباغ