- هو انتي ليه بقيتي دايما مكشرة ومتضايقة كده ؟ .. وحتى لو مش مكشرة ادام الناس ف مكشرة معايا أنا ؟ ..
طب أنا عايزة ألعب وأجري ..
طب عايزة أركب مورجيحة ..
طب عايزة اتكلم واهزر واضحك ..
هو انتي مش بتردي عليا ليه ؟ ..
طب ليه بقيتي سايبة الدنيا مكركبة حواليا كده وخنقاني ؟ .. بقى فيه حاجات كتير أوي هنا وأنا مش عارفه أتحرك ..
بصي هنا بقى فيه إيه .. الكوم الكبير ده مكتوب عليه " اكتئاب " .. وهنا مكتوب " زعل ونكد " .. والناحية دي لقيت مكتوب " تكشير وخنقة " .. وهنا الصندوق الكبير ده مكتوب عليه " كلام " و مليان كتييييييييير اوي بس من كتره مش عارف يخرج بس عمال يخبط في كل جوانب الصندوق وبيخبط فيا وبيوجعني ..
وبصي هناك كده فيه " دموع " بس بقالي كتير أوي ماشوفتهاش مفتوحة .. مع إني ساعات كتير بشوفها هتنزل وأقول خلاص هتغرق المكان حواليا وتشيل كل الكراكيب دي وتنضف المكان بس مش بيحصل ..
هو انتي هتبقي كويسة تاني إمتى ؟ ..
طب أنا عايزاكي تبقي كويسة بقى عشان تسيبيني أرجع ألعب تاني وتخلينا نرجع نضحك بجد .. أنا عايزة أضحك أوي .. خرجيني تاني بقى .. أنا بقيت خايفة أوي هنا ..
هو انتي هتفضلي ساكتة كده ومش هتردي عليا أبدا ؟ .. انتي كنتي هتتكلمي أهوه قوليلي كنتي هتقولي إيه ...
- أنا كمان بقيت خايفة أوي عليكي لا تموتي وأبص في يوم جوايا مالاقيكيش ؟ ..
* يجب أن نصغى إلى الطفل الذي كناه ذات يوم ، والذي مازال موجودا فينا .. فذلك الطفل يعلم ما هي اللحظات السحرية .. دائما ما نستطيع أن نكتم بكاءه .. لكننا لا نستطيع أن نسكت صوته ..
* باولو كويلو ..
على نهر بييدرا هناك جلست فبكيت ..
9 comments:
تصدقي انو معاك حق :((
هو نحنا بنخنقوا الطفل الي جوا ليش ؟
و كرمال مين مش عم نتركوا حر زي مكان قبل سنيين مضت من اعمارنا !!!!!
احنا فعلا مش لازم ابدا نسيبه يموت لانه اوقات كتير اوي بيبقى هو احلى حاجة وكل حاجة بيخلينا نعملها بتبقى برضو احلى لحظات حياتنا
اسعدني مرورك يا حنين
7elw el kalm da
المعانى جميلة قوى ,, بس حزينة كدا و
مكشرة ,,
يلا ادعى دول و هاتبقى كويسة
لا اله الا الله العظيم الحليم لا اله الا الله رب العرش العظيم لا اله الا الله رب السماوات السبع ورب العرش الكريم
(دعاء البلاء والغم):لا اله الا انت سبحانك اني كنت من الظالمين
(دعاء لمن اصابه هم او حزن):اللهم اني عبدك ابن عبدك ناصيتي بيدك ماض في حكمك عدل في قضاؤك اسالك بكل اسم هو لك سميت به نفسك او انزلته في كتابك او علمته احدا من خلقك او استاثرت به في علم الغيب عندك ان تجعل القران العظيم ربيع قلبي ونور صدري وجلاء حزني وذهاب همي وغمي
(دعاء المكروب):الللهم رحمتك ارجو فلا تكلني الى نفسي طرفة عين واصلح لي شأني كله لا اله الا انت
(دعاء ازالة الهموم):ياحي يا قيوم برحمتك استغيث
(دعاء من اصابه كرب وشدة):الله ربي لا اشرك به شيئا
(دعاء لدفع الهم وانواع البلاء):لا حول ولا قوة الا بالله العلي العظيم
(الدعاء باسم الله الاعظم يزيل الهموم والكروب)
اللهم اني اسالك بأن لك الحمد لا اله الا انت وحدك لا شريك لك المنان
يا بديع السماوات والارض ياذا الجلال والاكرام
...........
و ان شاء الله يجى الفرج و يفك عنك الهم و تحققى كل اللى تتمنيه يا بوريو
سعيد بالمرور علي مدوناتك
gabry
شكرا جدا على مرورك وتعليقك
:)
nour
يااااااااااارب
HANY ELKHATYB
انا اسعد .. واتمنى تكررها تاني كتير
:)
حلوه اوى اقولك ايه حت فى وقتها وعبرتى عن حاجه عايزه اقولها اوى
Post a Comment