المره اللي فاتت اما كتبت كنت متضايقه اوي من البلد .. رغم حبي الفظيع ليها بس كنت متضايقه ومجروحة وصعبان عليا منها .. بس بعد كده بأيام شوفت صور وفيديوهات خلتني قولت طبعا بحبها وازاي ماحبهاش .. الصور والفيديوهات دي كانت بتاعة المظاهرات والوقفات اللي اتعملت عشان خالد سعيد الله يرحمه .. حسيت اني فعلا ليا حق في حبي ليها .. اكيد بحبها عشان ناسها وولادها دول .. الناس اللي نزلت الشوارع واتعرضت للأذى من اللي مايتسموش في كل لحظة عشان يدافعوا عن حق واحد اصلا مايعرفوهوش .. واحد ماعرفوهوش غير بعد ما مات او بمعنى اصح اتقتل .. ورغم كل شيء مُصرين ياخدوا حقه مهما حصل ومهما اتضيق عليهم مكملين وكل يوم بيزيدوا لغاية ما يرجع حق خالد
موته عمل حاجة غريبة اوي و جميلة اوي ان المظاهرات والوقفات مابقتش مجرد مجموعة من الشباب .. لا بقى فيها امهات وآباء عرفوا ان السكات مش هيحافظ على ولادهم ويخليهم يربوا العيال لانهم حتى وهما ساكتين العيال بتموت .. آباء وامهات حاسين بحرقة قلب على ابنهم اللي راح
25 / 6
صور من الوقفة الصامتة الثانية يوم الجمعة
25/ 6
من القاهرة واسكندرية وبورسعيد وطنطا والمنوفية و راس البر والفيوم والمنصورة والمنيا واسماعيلية
اسكندرية
كوبري 6 اكتوبر
كورنيش المعادي
خالد في مهرجان الكوربة
وصور لمصريين في فرنسا وانجلترا وامريكا ودبي و الدوحة ومكة المكرمة
مكة المكرمة
مصريات في امريكا 
مصري في انجلترا
باقي الصور وكل ما يخص القضية هتلاقوه هنا
